ТХЫЛЪЫР ДИ НЫБЖЬЭГЪУ ПЭЖЩ. АДЫГЭ IУЭРЫIУАТЭ
Тхылъым ди гъащIэм щиIэ мыхьэнэр. Адыгэ псысэхэм щыщу: «Бажэ хеящIэ», «Къэблэжьар лъапIэщ», «Иныжьым и къан» псысэхэр зытеухуар, абы я гупсысэ нэхъыщхьэр.
Урыс тхакIуэшхуэ Горький Алексей жиIауэ щытащ: «Тхылъыр фIыуэ флъагъу, абы гъащIэр нэхъ тынш къыфщищIынщ, гупсысэ, къэхъукъащIэ зэхэзэрыхьахэр зэхэубзыхукIынымкIэ ар дэIэпыкъуэгъуфI къыфхуэхъунщ
I. ЩоджэнцIыкIу Нурий и усэм къеджэ. УсакIуэм щIэныгъэ зиIэм и насыпу къыщIилъытэр жыIэ
ЩIЭНЫГЪЭ
(гъэкIэщIауэ)
Мыулъийщ щIэныгъэр,
ЗиIэм и насыпщ.
МыуфIынкI уэздыгъэщ,
Ямыгуэш хьэпшыпщ.
ХЭТ НЭХЪ КЪЭЩIЭРЕЙ
Шакъалъэ лъащIэр
И псыфапIэщ.
Ди тетрадь напэр
И зекIуапIэщ.
ЩIэныгъэм, цIыкIухэ,
ПэмыIэщIэм,
IэпищкIэ ар егъэжыIэщIэ.
ПамцIабзэщ мастэу
Ар езыр,
Ар къафщIи
СыфщIыт
Арэзы!
Джэдгъэф Хъусен и къуажэхь-усэм едаIуи жэуапыр сурэтхэм къыщыгъуэт
Хьэту Петр и «IуэрыIуатэ IэшрыI» усэм къеджэ
- Дапщэщ къежьауэ пIэрэ IуэрыIуатэр?
- Сыт хуэдэ лIэужьыгъуэхэр хыхьэрэ IуэрыIуатэм?
Хьэту Петр
IУЭРЫIУАТЭ IЭШЫРЫI
Пасэ-пасэ-пасэрейм,
Къыщхьэдэхри ди сэрейм,
Iуэры-Iуэры-IуэрыIуатэр,
КъэтIысауэ къысхуеIуатэ…
Сэ пщIыхьэпIэу ар слъэгъуа,
Е ди дадэ жиIэжа,
Е ЩIэныкъэ къалэм сыкIуэу
Дыщэ тхылъым къизджыкIа?..
Сытми, тIэкIу сщыгъупщэжати,
IэшрыIыу зэхэспщащ,
ЖысIэжыну сыхуежьати,
КIуркIунаур дыхьэшхащ…
Сэ дэщIызгъужари хэлъу
ЖызоIэжри жызоIэж…
КIуркIунаури зэрылъэлъу
Мэдыхьэшхри мэдыхьэшх…
Пэжыр къыхэх.